पिंपरी चिंचवड : देहू रोड परिसरातील जुन्या पुणे-मुंबई महामार्गावरील घोरावडेश्वर डोंगरावर विवाहितेचा मृतदेह सापडल्याने एकच खळबळ उडाली होती. या प्रकरणी महिलेच्या चुलत दिराला पोलिसांनी ताब्यात घेतले आहे. मित्राच्या मदतीने वहिनीवर बलात्कार करुन तिचा ओढणीने खून केल्याचा आरोप दिरावर आहे. सोमवारी पहाटे हत्येचा प्रकार समोर आला. हत्येप्रकरणी तिचा चुलत दीर तुकारामला पोलिसांनी ताब्यात घेतले. आपणच वहिनीची हत्या केल्याची कबुली आरोपीने दिली आहे.
आरोपी तुकारामने वहिनीला देहू रोड जवळील घोरवडेश्वर येथील मंदिर पाहण्याच्या बहाण्याने डोंगरावर नेले. तुकारामने मित्र अक्षयला फोन करून बोलवून घेतले. त्यानंतर दीर तुकाराम आणि त्याचा मित्र अक्षय या दोघांनी घोरवडेश्वर येथील डोंगरावर घेऊन जाऊन वहिनीवर बलात्कार केला. त्यानंतर ओढणीच्या सहाय्याने गळा दाबून, चेहऱ्यावर दगड टाकून तिची हत्या केली.दरम्यान या घटनेनं परिसरात एकच खळबळ उडाली आहे.