उद्घाटनासाठी 'इंस्टाग्राम स्टार' बोलावली अन् पथकाने 25 हजारांची पावती फाडली
औरंगाबाद: कपड्याच्या दुकानाच्या उद्घाटनासाठी 'इंस्टाग्राम स्टार'ला बोलावणे एका दुकानदाराला चांगलंच महागात पडलं आहे.कारण उद्घाटनावेळी गर्दी जमवल्या प्रकरणी स्थानिक प्रशासनाने या दुकानदाराला 25 हजाराचा दंड दिला आहे.
औरंगाबादच्या वैजापूर शहरातील येवला रोडवर असलेल्या रुबाब नावाच्या कपड्याच्या दुकानाचे उद्घाटन 1 एप्रिल रोजी पार पडले. या कार्यक्रमासाठी दुकानदाराने इंस्टाग्राम वर चर्चेत असणारे 'इंस्टाग्राम स्टार' ऋषिकेश काटे,मयूरी मोडक और राशि शिंदे यांना पाहुणे म्हणून बोलावले होते. मात्र यावेळी या 'इंस्टाग्राम स्टार' यांना पाहण्यासाठी नागरिकांनी प्रचंड गर्दी केली होती. याचे काही व्हिडीओ सुद्धा सोशल मीडियावर व्हायरल झाले. सद्या जिल्ह्यात जमावबंदी असतानाही गर्दी केल्याने आणि कोरोनाचे नियम न पाळल्याने स्थानिक प्रशासनाने संबंधित दुकानदाराला 25 हजार दंड लावला आहे.
व्हिडीओ व्हायरल होताच कारवाई!
उद्घाटनच्या कार्यक्रमात आलेल्या ' इंस्टाग्राम स्टार' राशी शिंदे हिने आपल्या अकाउंटवर कार्यक्रमाचा व्हिडीओ टाकला, ज्याला आतापर्यंत 24 हजार लोकांनी लाईक केलं असून,कार्यक्रमाचे अनेक व्हिडीओ सोशल मीडियावर व्हायरल झाली आहे. असेच काही व्हिडीओ वैजापूर तहसीलदार राहुल गायकवाड यांच्याकडे गेल्यानंतर त्यांनी तात्काळ कारवाई करण्याचे आदेश दिले.