राज्यातील सर्वात श्रीमंत उमेदवार होण्याचा बहुमान भाजपला मिळाला आहे. घाटकोपर पूर्व विधानसभा मतदारसंघाचे भाजप उमेदवार पराग शहा हे राज्यातील सर्वात श्रीमंत उमेदवार ठरले आहेत. पराग शहा हे घाटकोपरचे विद्यमान आमदार असून निवडणूक विभागाकडे त्यांनी दिलेल्या माहितीनुसार त्यांची संपत्ती ३ हजार ३८३ कोटी रुपये इतकी आहे. राज्यातील पहिले दोन सर्वात श्रीमंत उमेदवार भाजपचे आहेत. मंगलप्रभात लोढा यांचा दुसरा क्रमांक असून त्यांच्याकडे सुमारे ४४७ कोटी रुपयांची संपत्ती आहे.