असा पोलिस सापळा आणि सापडला जयसिंघानी...

अनिल जयसिंघानी हा बऱ्याच दिवसांपासून बेपत्ता होता. पाच दिवसांच्या शोध मोहिमेदरम्यान मुंबई पोलिसांनी त्याला ताब्यात घेतलं मुंबईला घेऊन आले. तांत्रिकतेचा वापर करून अनिल जयसिंघानी यांनी आपले अस्तित्व लपवले. पण, पाच दिवसांच्या शोध मोहिमेनंतर मुंबई पोलिसांनी अनिल जयसिंघानीला ताब्यात घेतले. गुन्हे शाखेकडे मुंबई पोलिसांनी पाच पथके तयार केली होती. या पाच पथकांकडून अनिल जयसिंघानीचा विविध राज्यात शोध घेतला जात होता. अनिल जयसिंघानी यांच्यावर महाराष्ट्रासह अनेक राज्यांमध्ये एकूण 15 गुन्हे दाखल आहेत.

अनिल जयसिंघानी हा महाराष्ट्रातून शिर्डीमागे गुजरातला गेला होता.

तांत्रिक विश्लेषणात अनिल जयसिंघानी हा आरोपी महाराष्ट्रातील शिर्डी येथून गुजरातमध्ये स्थलांतरित झाला. बार्डोली या ठिकाणी अनिल जयसिंघांनी होता. गुजरातला तीन पथक पाठवण्यात आली होती. सुरत ग्रामीण पोलिस, गोध्रा आणि इतर कायद्याची अंमलबजावणी करणार्‍या एजन्सींच्या मदतीने अनिल जयसिंघाला पकडण्यासाठी गुजरात राज्यातील सुरत पोलिसांनी ऑपरेशन सुरू केले. 72 तास अनिल जयसिंघानी पोलिसांना चकवा देत होता. त्याला पकडण्यासाठी बार्डोली येथे सापळा रचला. त्यातूनही त्याची सुटका झाली. त्यानंतर तो सुरतला पळून गेला. त्यानंतर, मुंबई पोलिसांनी दिलेल्या माहितीनुसार, वडोदरा, भरूचमार्गे गोध्रा येथे पळून जाण्याच्या प्रयत्नात त्याला पकडण्यात आले.

अनिल जयसिंघानी याला गुजरात पोलिसांच्या मदतीने गुजरातमधील कलोल येथे अटक केले गेले. या आरोपीकडून एक फोन, एक कार आणि अनेक साधने हस्तगत करण्यात आली आहेत. अनिल सिंघानियासह त्याला मदत करणाऱ्यांना ताब्यात घेण्यात आले. जप्त करण्यात आलेली मोटार महाराष्ट्रातील होती. मुंबई पोलिसांच्या म्हणण्यानुसार अनिल जयसिंघानी आपला लोकेशन लपवण्यात आणि अधिकाऱ्यांशी खोटे बोलण्यात पटाईत आहे. त्यामुळे पोलिसांना अनेक अडचणींचा सामना करावा लागला. मलबार हिलचे तपास अधिकाऱ्यांच्या ताब्यात अनिल जयसिंघानी आणि त्याला सहकार्य करत असलेल्यांना देण्यात येतं आहे.

अनिल जयसिंघानी यांनी गुजरातमध्ये बराच काळ घालवला. त्याच्याकडे अनेक कंपन्यांचे मोबाइल फोन होते. तसेच, इतर अनेक इंटरनेट उपकरणेही होती. गुजरात मध्ये नेमका किती काळ त्यांनी घालवला त्याचा रीपोर्ट अजून आला नाही.