Sion Tromby Road Accident : सायन ट्रॉम्बे रस्त्यावर कंटेनर धडकला ६ तासाच्या शर्तीच्या प्रयत्नानंतर यश
मुंबई शहरामध्ये सकाळी सहा वाजताच्या सुमारास भरधाव वेगाने येणाऱ्या कंटेनरचा अपघात झाला. यामध्ये चालकाचे वेगावरचे नियंत्रण सुटल्यामुळे सायन ट्रॉम्बे रस्त्यावरील चेंबूर नाका येथे कंटेनर धडकल्याची माहिती समोर आली आहे. या कंटेनरला आता त्या ठिकाणावरून हटवण्यात आलं. तब्बल सहा तासा शर्तीच्या प्रयत्नानंतर हा कंटनेर हटवण्यात यश आलंय.
दरम्यान या कंटेनरमध्ये ४० टनापेक्षा जास्त वजन असल्याची माहिती मिळाली आहे. त्यासाठी आधी दोन हॅब्रीड टोईंग मागण्यात आल्या होत्या परंतू तो प्रयत्न अयशस्वी ठरल्याचं सांगण्यात आलंय. त्यामुळे तीसरा ८० वजनाचा टोईंग लावण्यात आल्याने सहा तासानंतर ही ट्राफीक पोलिसांकडून मोकळी करण्यात आली.
दोन दिवसांपासून मुंबईत पावसाच्या सरी कोसळत आहेत. त्यामुळे रस्ते निसरडे झाले आहे. त्यातच मुंबई शहरात सकाळी अत्यंत कमी वाहतूक असताना सायन ट्रॉम्बे रोडवर चेंबूर नाका येथे कंटेनरचा अपघात झाला. या अपघातात कोणत्याही प्रकारची जीवितहानी झाली नाही. मात्र कंटेनर चालकाला रुग्णालयात दाखल करण्यात आल्याची प्राथमिक माहिती प्रत्यक्षदर्शिंनी दिली.
मानखुर्दवरून सायनच्या दिशेने जाणाऱ्या कंटेनरचे सायन ट्रॉम्बे रस्त्यावरील मोनोरेल चौकात नियंत्रण सुटले. त्यामुळे ब्रेक लागत नसल्याने हा कंटेनर चेंबुर नाका चौकाप्रंयंत येऊन रस्त्याच्या मध्ये ड्रमला धडकला. यात कुठलीही जीवितहानी झाली नाही. मात्र सकाळी अपघात झाल्याने रस्त्यावर बघ्यांची गर्दी जमली होती. तर या अपघातामुळे सायन-ट्रॉम्बे रस्त्यावर वाहतूकीचा खोळंबा झाल्याचे पहायला मिळाले.