शिवसेना पश्चिम बंगालची विधानसभा निवडणूक लढवणार आहे. शिवसेना खासदार संजय राऊत यांनी ट्विट करुन यासंदर्भातली घोषणा केली आहे. शिवसेना पक्षप्रमुख आणि महाराष्ट्राचे मुख्यमंत्री उद्धव ठाकरे यांच्याशी चर्चा केल्यानंतर आम्ही पश्चिम बंगालची विधानसभा निवडणूक लढवण्याचा निर्णय घेतला आहे असं संजय राऊत यांनी जाहीर केलं आहे. तसंच आपली भेट लवकरच कोलकात्यात होईल असंही त्यांनी त्यांच्या ट्विटमध्ये म्हटलं आहे.