प्रियांका गांधी महाराष्ट्रातून लढवणार, आमदार यशोमती ठाकूर यांची प्रतिक्रिया

प्रियंका गांधी या महाराष्ट्रातून लोकसभा निवडणूक लढवणार अशी चर्चा आहे. यावर काँग्रेस नेत्या तथा आमदार यशोमती ठाकूर यांनी प्रतिक्रिया दिली आहे. जर अमरावती लोकसभा हा मतदार संघ राखीव नसता तर प्रियंका गांधी यांना आम्ही अमरावती लोकसभा मधूनच लढविण्यासाठी आग्रह केला असता, असे यशोमती ठाकूर म्हणाल्या आहे.

त्यामुळे प्रियंका गांधी आता महाराष्ट्रातून नेमक्या कुठल्या मतदारसंघातून निवडणुकीच्या रिंगणात उतरतात, हे पाहावं लागणार आहे. दरम्यान आज सुप्रिया सुळे यांचा अमरावती दौरा सुरू असून सुळे यांनी यशोमती ठाकूर यांच्या घरी जाऊन सुप्रिया सुळे यांच स्वागत यशोमती ठाकूर व त्यांची मातोश्री पुष्पमाला ठाकूर यांनी केलं यावेळी सुप्रिया सुळे यांना ग्रामगीता भेट दिली. यावेळी यशोमती ठाकूर यांनी त्यांच्या दौऱ्याचे कौतुक केले असून सुळे यांचा हा दौरा महाविकास आघाडीला मजबूत करेल. अशीही प्रतिक्रिया यशोमती ठाकूर यांनी दिली आहे.