किरकोळ कारणावरून एकाची हत्या; म्हसरूळ परिसरातील घटना

नाशिक : चहा आणि वडापाव स्वस्तदरात का विकतो या क्षुल्लक कारणावरून चहा विक्रेत्यावर प्राणघातक हल्ला करण्यात आला, या हल्ल्यात तुषार काळे याचा मृत्यू झाला आहे.याबाबत म्हसरूळ पोलीस ठाण्यात खुनाचा गुन्हा दाखल करण्यात आला असून आरोपीला अटक करण्यात आलं आहे.

नाशिकच्या म्हसरूळ परिसरातील आरटीओ रासबिहारी लिंक रोड वरील काळसकर नगर येथे दोन समोर असलेल्या चहाच्या टपरी असणाऱ्या विक्रेत्यांमध्ये पाव वाडा आणि चहा कमी दराने का विकतो?आणि माझी बदानामी का करतो? या कारणावरून वाद होऊन आरोपी आकाश काळे याने तुषार काळेवर प्राण घातक हल्ला केला होता या हल्ल्यात तुषार गंभीर जखमी झाल्याने त्याला खासगी रुग्णालयात दाखल करण्यात आले होते, मात्र त्याचा उपचारा दरम्यान मृत्यू झाला. आरोपी आकाश काळे यास अवघ्या 3 तासात म्हसरूळ पोलिसांनी त्याच्या मुसक्या आवळल्या आहेत. या घटनेने परिसरात एकच खळबळ उडाली आहे.