मुंबई : राज्याचे माजी गृहमंत्री अनिल देशमुखांच्या जावयाला कायदेशीररित्या चौकशीसाठी ताब्यात घेतल्यानंतर कुठलीही माहिती नातेवाईकांना दिली नाही, असा आरोप राष्ट्रवादीचे नेते आणि राष्ट्रीय प्रवक्ते नवाब मलिक यांनी केला आहे. या आरोपला भाजपचे नेते तथा राज्याचे विधानपरिषदेचे विरोधी पक्षनेते प्रवीण दरेकर यांनी ट्विट करत प्रत्युत्तर दिलं आहे.
प्रवीण दरेकर यांनी आपल्या ट्विटमध्ये म्हटले आहे की, 'ज्यावेळी केंद्रीय मंत्री नारायण राणे साहेबांना वॉरंट न दाखवता तुम्ही अटक केली, त्यावेळी कुठे गेला होता कायदा? आपला तो बाब्या, दुसऱ्याचं ते कार्ट' अशा शब्दात दरेकरांनी मलिक यांच्यावर निशाणा साधला आहे.
पण ज्यावेळी केंद्रीय मंत्री असलेल्या नारायण राणे साहेबांना अटक वॉरंट न दाखवता तुम्ही अटक केली, त्यावेळी कुठे गेला होता कायदा? @nawabmalikncp जी, आपला तो बाब्या, दुसऱ्याचं ते कार्ट....
— Pravin Darekar - प्रविण दरेकर (@mipravindarekar) September 1, 2021
याच मुद्यावरून आता पुन्हा एकदा भाजप- राष्ट्रवादीत संघर्ष पेटण्याची शक्यता आहे.