औरंगाबाद : औरंगाबाद जिल्ह्यातील बाभूळगावात शेतकरी कुटुंबाला बेदम मारहाण केल्याची घटना समोर आली आहे. गावातील 10 ते 12 गुंडांकडून शेतकरी कुटुंबाला बेदम मारहाण करण्यात आली आहे. या मारहाणीचा व्हिडीओ समाज माध्यमावर व्हायरल झाला आहे.
या मारहाणीत शेतकरी काकासाहेब तुपे हे गंभीर जखमी झाले आहेत. काही महिलांना देखील मारहाण झाल्याचं व्हिडीओत दिसत आहे. अगदी रक्तबंबाळ होईपर्यंत ही मारण्यात करण्यात आल्याचे दिसत आहे.
दरम्यान या मारहाण प्रकरणी औरंगाबादच्या शिरुर पोलीस ठाण्यात 12 जणांवर गुन्हा दाखल करण्यात आल्याची माहिती मिळत आहे. पोलिसांनी विविध कलमांन्वये आरोपींवर गुन्हा दाखल केला आहे. मात्र गुन्हा दाखल होऊनही पोलिसांकडून आरोपींना अद्याप अटक झालेली नाही.ही मारहाण का झाली हे मात्र समजू शकलेलं नाही.पण, घटनेनं परिसरात खळबळ उडाली आहे.