दोन वर्षांपूर्वी पॉप्युलर कपिल शर्मा शोच्या विरोधात काही नर्स महिलांनी आंदोलन पुकारलं होत. ऑल इंडिया गव्हरनमेंट नर्सेस फेडरेशन तर्फे या शो विरोधात दिल्लीच्या जंतर-मंतर मैदानावर नर्सेने आंदोलन केलं होतं. कारण की, कपिल शर्मा शोमध्ये हॉस्पिटलच्या नर्सचे चित्रण हे अश्लील पद्धतीने केलं जात आहे. त्यामुळे कपिल शर्माने माफी मागावी आणि सर्व नर्सचे सर्व एपिसोड डिलीट करावे अशी मागणी करण्यात आली होती, तसेच त्याच्या शो वर बहिष्कार टाकणयात आला. त्यानंतर कपिल शर्माने आपला माफीनाफा देत इंटरनेट वरुन नर्सचे एपिसोड डिलीट केले होते. यातून एकच गोष्ट आपल्याला दिसून येते की आपण मनोरंजन करता करता इतके हरवून जातो की महिलेकडे फक्त एक अश्लील दृष्टीकोनातून पाहू लागतो. आणि आपल्या डोक्यातील ती विकृत मानसिकता लोकांसमोर येते मात्र असं जरी असलं तरी महिलांचा अपमान कधीच सहण केला जाणार नाही हे या प्रकरणातून दिसून येतेय.