कशेडी घाटात मोठा अपघात; खासगी बस ५० फूट खोल दरीत कोसळली

मुंबई हून कणकवली येथे निघालेल्या चिंतामणी ट्रॅव्हल्सच्या खाजगी बसला हा अपघात झाला. पोलादपूर पोलीस तसेच महाड येथील साळुंखे रेस्क्यू टिम अपघात स्थळी वेळेवरती पोहोचल्याने बसमध्ये अडकलेल्या तीस जणांना सुखरूपपणे बाहेर काढण्यात यश आले.

जखमींवरती पोलादपूरच्या उपजिल्हा रुग्णालयात उपचार सुरु आहेत. अपघाताची माहिती मिळताच '१०८' रुग्णवाहिका व एका स्वयंसेवी संस्थेची रुग्णवाहिका तातडीनं घटनास्थळी पोहोचली. मदतकार्य अद्यापही सुरू आहे.गाडीतील बहुतेक प्रवासी संगमेश्वर तालुक्यातील आहेत. अपघाताचे नेमके कारण समजू शकले नाही.