आगामी विधानसभा सभा निवडणुकांच्या पार्श्वभूमीवर मुख्यमंत्री एकनाथ शिंदे यांच्या शिवसेनेकडून काल उमेदवारांची पहिली यादी जाहीर करण्यात आली आहे. एकूण 45 उमेदवारांची नावं जाहीर करण्यात आली असून त्यात अनेक विद्यमान आमदारांचाही समावेश आहे. ही पक्षाची पहिली यादी आहे. गेल्या कित्येक दिवसांपासून महायुतीमध्ये जागावाटपाच्या चर्चासुरू होत्या,त्यानंतर गेल्या आठवड्यात भाजपने 99 उमेदवारांची यादी जाहीर केली. तर काल शिवसेना शिंदे गटाकडून 45 उमेदवारांची पहिली यादी अधिकृतपणे जाहीर करण्यात आली.
महिन्याभरात होणाऱ्या विधानसभा निवडणुकांसाठी शिवसेना शिंदे गटाने 45 उमेदवारांची पहिली यादी जाहीर केली आहे. या यादीत अनेक विद्यमान आमदारांना पुन्हा संधी देण्यात आली आहे, तसेच पक्षातील अनेक नेत्यांच्या कुटुंबियांनाही उमेदवारी मिळाली आहे. भाजपने यापूर्वीच उमेदवारांची यादी जाहीर केली होती, ज्यातही घराणेशाहीच्या प्रवृत्तीचा आढावा घेता आला.
मुख्यमंत्री एकनाथ शिंदे यांच्या नेतृत्वात झालेल्या या घोषणेनंतर, उमेदवारांच्या यादीत किती विद्यमान आमदार व राजकीय घराण्यांतील व्यक्ती आहेत, यावर चर्चा सुरू झाली आहे.
उमेदवारांच्या यादीत काही महत्त्वाच्या नावांचा समावेश आहे:
अमोल पाटील (चिमणराव पाटील यांचा मुलगा)
अभिजित अडसूळ (आनंदराव अडसूळ यांचे मुलगा)
विकास भुमरे (संदीपान भुमरे यांचे मुलगा)
मनीषा वायकर (रवींद्र वायकर यांची पत्नी)
किरण सामंत (उदय सामंत यांचे भाऊ)
सुहास बाबर (दिवंगत आमदार अनिल बाबर यांचा मुलगा)
विशेष म्हणजे, माहिम मतदारसंघातून सदा सरवणकर यांना उमेदवारी मिळाल्यामुळे त्यांना मनसे अध्यक्ष राज ठाकरे यांचा मुलगा अमित ठाकरे यांच्याविरोधात स्पर्धा करावी लागेल.
शिवसेना शिंदे गटाने यामध्ये काही नव्या चेहऱ्यांचा समावेश करून राजकीय घराण्यातील दिग्गजांना देखील तिकीट दिले आहे. विद्यमान आमदारांसोबतच काही अपक्षही या यादीत स्थान मिळवले आहेत.
या निवडणुकीत शिवसेनेच्या रणनीतीने देखील घराणेशाहीची परंपरा चालू ठेवली असल्याचे स्पष्ट झाले आहे.