महाराष्ट्राला आता फक्त राज ठाकरे यांच्याकडूनच अपेक्षा असल्याचे प्रतिपादन मनसे नेते वसंत मोरे यांनी केले आहे. ते संगमनेर दौऱ्यावर असताना कार्यकर्त्यांशी बोलत होते. यावेळी मनसेचे जिल्हा उपाध्यक्ष किशोरजी डोके यांनी त्यांचे स्वागत करत तालुक्याची राजकीय स्थितीबाबत त्यांना माहिती दिली. मनसैनिक तळागाळापर्यंत काम करत असल्याचे त्यांनी सांगितले. यावेळी शहराध्यक्ष मनसेचे अभिजीत कुलकर्णी,मनविसेचे संकेत लोंढे,प्रमोद काळे,संदीप आव्हाड,स्वप्नील उमाप,गिरीश उमाप,मनोज दातीर,शिवराज खतोडे,अविनाश भोर , दिलीप ढेरंगे,दौलत सातपुते,दर्शन वाकचौरे,विशाल गोरे आदी मनसैनिक उपस्थित होते.
यावेळी बोलताना मनसे नेते वसंत मोरे म्हणाले की, राज्यात येऊ घातलेल्या स्थानिक स्वराज्य संस्थांच्या निवडणूकांच्या पार्श्वभूमीवर दौरा सुरू असताना युवक वर्ग मोठ्या संख्येने मनसेत सहभागी होताना दिसत आहेत, येऊ घातलेल्या निवडणूकांमध्ये मनसेला मोठं यश मिळेल असा विश्वास त्यांनी व्यक्त केला. सोबतच याआधी मनसे केवळ शहरापूरती मर्यादित होती असं म्हटलं जायचं मात्र मनसे गावागावापर्यंत पोहचली आहे हे संगमनेर येथील कार्यकर्त्यांच्या उत्साह पाहून लक्षात येत असं मोरे म्हणाले.
यावेळी मनसे नेत्या रुपाली पाटील या देखील उपस्थित होत्या.