तेलंगणाच्या मुख्यमंत्र्यांच्या पंढरपूर दौऱ्यावर संजय राऊत यांनी टीका केली. याच टीकेला भाजपाचे राज्य प्रवक्ते राम कुलकर्णी यांनी प्रतिउत्तर दिले आहे. तेलंगणाच्या मुख्यमंत्र्यांनी विठुरायाचे दर्शन घेतलं तर संजय राऊत यांच्या पोटात गोळा का आला? असा सवाल कुलकर्णी यांनी उपस्थित केलाय. तर औरंगजेबाच्या कबरीवर अॅड. प्रकाश आंबेडकरांनी फुले वाहिली तेव्हा मात्र संजय राऊत गप्प बसले, यावरूनच संजय राऊत यांचे राजकारण किती ढोंगीपणाचे आहे. हे दिसून येते असे म्हणत संजय राऊतांवर राम कुलकर्णी यांनी टीका केली.