कल्याणमध्ये अनोखे आंदोलन, गणेशाची वेशभूषा धारण करून खड्डेमय रस्त्यावर ठिय्या
गणेश उत्सवाला सुरुवात झाली आहे. वारंवार मागणी करून देखील कल्याण डोंबिवली महापालिका क्षेत्रातील रस्त्यावरील खड्डे बुजवले गेले नाहीत. या खड्ड्यातून गणरायाचे आगमन झाले आहे. कल्याणमध्ये आज अनोखे आंदोलन करण्यात आले. गणेशाची वेशभूषा धारण करून बाप्पा रस्त्यावर अवतरले आणि त्यांनी खड्ड्यातच ठाण मांडले. यावेळी आंदोलनकर्त्यानी देवा महाराजा म्हणत रस्त्याच्या खड्यांचे गाऱ्हाणे मालवणी भाषेत बाप्पांसमोर घालून प्रशासनाला जाग आणण्याचा प्रयत्न केला