कोरोना प्रमाणे बेरोजगारीची चर्चा का नाही?

कोरोनाची सुरुवात झाली. त्यावेळी सर्वच राष्ट्रात बेरोजगारी अचानक वाढली; पण त्याचे प्रमाण मात्र, भिन्न भिन्न होते. अमेरिकेत ते चार पटीने वाढून १५ % झाले. जपानमध्ये ते फक्त २.५ % राहिले. दोन्ही राष्ट्रे स्वतःला भांडवलशाही अर्थव्यवस्था म्हणवतात; मग हा फरक का ?

कारण दोघांच्या भांडवलशाहीची जातकुळी भिन्न आहे. अमेरिका नागडी भांडवलशाही आहे. तर जपानची कमरेला काहीतरी बांधून असते.

अमेरिकेतील एम्प्लॉयर जेव्हढा नफा होईल तो ओरबाडून घेतात; खूप तोटा व्हायला लागला की नोकरांना / कामगारांना कामावरून काढून टाकतात.

जपानमधील एम्प्लॉयर ज्यावेळी बऱ्यापैकी नफा होईल. त्यावेळी तो बॅलन्स शीट मध्येच ठेवतात. घरी घेऊन जात नाहीत; आणि ज्यावेळी खूप तोटा होईल. त्यावेळी तो संचित नफा नोकरांना / कामगारांना पगार देण्यासाठी वापरतात.

वाचकांनो तुम्हीच विचार करा; आपल्याकडे एम्प्लॉयर जपानचे मॉडेल का राबवत नाहीत ?