चांद्रयान -2 साठी संपूर्ण देश सज्ज झालेला असताना पुन्हा एकदा हिंदी वृत्तवाहिन्यांनी आपल्या अप्रगल्भतेचं दर्शन घडवलं आहे. आघाडीचे वृत्तनिवेदक दीपक चौरसिया यांनी अंतराळविराच्या वेशात चांद्रयान -2 वरचा आपला शो प्रसारित केला.
चांद्रयान -2 मानवरहीत चंद्र मिशन आहे. यात कुठल्याही अंतराळवीराचा समावेश नाही. असं असलं तरी अंतराळवीरांच्या वेशात दीपक चौरसिया यांनी हा शो केला. खरं तर दीपक चौरसिया यांचा ड्रेस अंतराळवीराचा नसून फॅन्सी ड्रेस मध्ये वापरतात त्या प्रकारचा आहे. तोकडी पँट, साधं हेल्मेट आणि गळा उघडा असलेलं जॅकेट असा पेहराव दीपक चौरसिया यांनी केला होता.