‘काशिनाथ घाणेकर’ या सिनेमातील अभिनेत्री सोनाली कुलकर्णी ही या सिनेमात कोणत्या भूमिकेत दिसणार अशी उत्सुकता प्रेक्षकांना होती .या चर्चेला पूर्णविराम देत अभिनेते सुबोध भावे यांनी काल आपल्या ट्विटर अकाऊंटवरून सोनाली कुलकर्णींचा या सिनेमातील लूक प्रदर्शित केला आहे.
‘आणि... काशिनाथ घाणेकर’ या सिनेमात सोनाली कुलकर्णी या ज्येष्ठ अभिनेत्री सुलोचना दीदी यांच्या भूमिकेत दिसणार आहेत. मराठी सिनेरसिकांच्या व मराठी सिनेसृष्टीतील कलाकारांच्या मनात सुलोचना दीदींबद्दल नितांत आदर आहे. सुबोध भावेंनी सोनाली कुलकर्णी यांचा सुलोचना दीदींच्या भूमिकेतील फोटो असलेले या सिनेमाचे पोस्टर प्रदर्शित केले आहे.