नुकतेच आपल्या लाडक्या बाप्पाचे विसर्जन करण्यात आले. या विसर्जनानंतर भाविक मोठ्या प्रमाणावर निर्माल्य व इतर साहित्य विसर्जनाच्या ठिकाणी टाकून जातात. त्यामुळे मोठ्या प्रमाणात पर्यावरणाची हानी होते. तसेच जलप्रदूषणही होते. या सगळ्याला आळा बसावा यासाठी विसर्जनानंतर राज्यात विविध ठिकाणी स्वयंसेवी संस्थाद्वारे स्वच्छता मोहीम राबवण्यात येते. या मोहीमांना चांगलाच प्रतिसाद मिळत असून अशाच मोहिमेत सहभागी होण्याचं आवाहन मराठी अभिनेत्री प्राजक्ता माळीने केलं आहे. पुण्यात आय मेक माय पुणे या संस्थेतर्फे टिळक रस्ता, स्वारगेट आणि अलका चौकात स्वच्छता मोहीम राबविण्यात आली. अभिनेत्री प्राजक्ता माळीनेही या मोहिमेत सहभाग घेतला आणि स्वच्छता केली.
तसेच तिने आपल्या इन्स्टाग्राम अकाऊंटवर एक व्हिडिओ पोस्ट केला आहे. ज्यामध्ये तिने “थोडासा वेळ काढून स्वच्छता मोहिमेत सहभागी व्हा,” असं आवाहन चाहत्यांना केले आहे.