'ताली' या चित्रपटात अभिनेता सुव्रत जोशी दिसणार तृतीयपंथीयांच्या भूमिकेत
चित्रपटाचा ट्रेलर आला की संपूर्ण चित्रपट कसा असणार याच्या चर्चा रंगत असतात. सध्या अशाच एका चित्रपटाची चर्चा सुरु आहे. रवी जाधव दिग्दर्शित 'ताली' हा सिनेमा ट्रेलरमुळे चर्चेचा विषय बनला आहे. सामाजिक कार्यकर्त्या आणि सखी चार चौघी या सामाजिक संस्थेच्या संचालक गौरी सावंत यांच्या जीवनप्रवासावर आधारित असलेला "ताली" चित्रपट १५ ऑगस्ट ला जिओ सिनेमाच्या माध्यमातून प्रेक्षकांच्या भेटीला येत आहे. प्रमुख भूमिकेत असलेली अभिनेत्री सुष्मिता सेन ही तिच्या नवीन अंदाजाने नेहमी चर्चेत असते. 'ताली' या चित्रपटात अनेक कलाकार झळकले आहेत. पण त्यात एक मराठमोळा कलाकार सुष्मिता सेन सोबत पहिल्यांदा हिंदी सिनेमासृष्टीत झळकला आहे.
तो म्हणजे सुव्रत जोशी. मन फकीरा, पार्टी, गोष्ट एका पैठणीची, अशा अनेक चित्रपटातून सुव्रत जोशी ह्याने प्रेक्षकांचे मन जिंकली आहेत. पण 2015 ला आलेल्या 'दिलं दोस्ती दुनियादारी' या कार्यक्रमातून सुव्रत ने प्रेक्षकांच्या मनात घरं केल, आणि तो आता 'ताली' या चित्रपटात एका तृतीयपंथीयांच्या भूमिकेत दिसणार आहे. गौरी सावंत यांच्या सोबत असणाऱ्या तिच्या मैत्रिणीची भूमिका तो साकारणार आहे.
त्याच्या या नवीन चित्रपटाच्या ट्रेलरला अनेकांनी चांगला प्रतिसाद दिला आहे.