महापुरुषांच्या महाराष्ट्रातून शाहू महाराज गायब, युवराज संभाजीराजे छत्रपतींनी व्यक्त केली खंत
महाराष्ट्र हा पुरोगामी विचारांचा असल्याचे मानले जाते. शिव, शाहू, फुले आंबेडकर यांचा महाराष्ट्र आहे असं म्हटलं जातं. पण याच महापुरुषांच्या महाराष्ट्रातून राजर्षी शाहू महाराज गायब होत आहेत, अशी खंत युवराज संभाजीराजे छत्रपती यांनी व्यक्त केली.
बोलताना संभाजीराजे म्हणाले, हा महाराष्ट्र पुरोगामी विचारांचा असल्याचे म्हंटले जाते. शिव शाहू फुले आंबेडकर यांचे नाव घेऊन कारभार केला जातो, असं म्हणतात. पण याच महापुरुषांच्या नावाने ज्या मंत्रालयात लोककल्याणााचा कारभार होणे आवश्यक असते. त्या मंत्रालयात अनेक मंत्र्यांच्या दालनातून राजर्षी शाहू महाराजांचा फोटो गायब आहे. महात्मा फुले, सावित्रीबाई फुले यांचा फोटो गायब आहे. त्यामुळे महापुरुषांच्या महाराष्ट्रातून महापुरुषच गायब होत असल्याचे चित्र निर्माण झाल्याची खंत छत्रपती शिवाजी महाराज आणि राजर्षी शाहू महाराज यांचे वंशज युवराज संभाजीराजे छत्रपती यांनी व्यक्त केली.