राज्यात लोकसभा निवडणूकीच्या पार्श्वभूमीवर राजकीय घडामोडींना वेग आला आहे. अमरावतीमध्ये महाविकास आघाडीकडून प्रचारासाठी जोरदार शक्तीप्रदर्शन करण्यात येत आहे. अमरावती लोकसभा मतदारसंघाचे महाविकास आघाडीचे उमेदवार आणि आमदार बळवंत वानखडे यांनी आज आपल्या प्रचाराचा श्रीगणेशा करत थेट अमरावतीचे दैवत असणाऱ्या अंबादेवीला साकडं घालून नारळ फोडून प्रचाराला आरंभ केला आहे.
महाविकास आघाडीचे उमेदवार बळवंत वानखडे यांनी अमरावतीमधल्या अंबादेवी आणि एकवीरा देवीला साकडे घातले आहे की, माझ्या विरोधात कोणी उभे राहणार नाही, याची अंबामाता आणि एकवीरा आई काळजी घेईल, असं बळवंत वानखडे यावेळी म्हणाले. महाविकास आघाडीच्या अमरावती लोकसभा मतदारसंघाचे अधिकृत उमेदवार बळवंत वानखडे यांनी आजपासून प्रचाराला सुरूवात झाली आहे.