Who is Dhangekar : चंद्रकांत पाटील यांना नेटकऱ्यांनी दिले उत्तर

कसबा पेठ (Kasaba path) पोटनिवडणूकीच्या निकालात काँग्रेसच्या रवींद्र धंगेकर (Ravindra Dhangekar) यांनी भाजपच्या हेमंत रासने (Hemant Rasane) यांचा पराभव करत भाजपचा गड उध्वस्त केला. त्यानंतर चंद्रकांत पाटील (Chandrakant patil) यांनी प्रचारादरम्यान केलेले विधान पुन्हा चर्चेत आले आहे.

चंद्रकांत पाटील कसबा पेठ पोटनिवडणूकीच्या प्रचारात म्हणाले होते की, Who is Dhangekr? त्यानंतर रवींद्र धंगेकर यांनी चंद्रकांत पाटील यांच्या हस्ते मिळालेला सर्वोत्कृष्ट नगरसेवक पुरस्काराचा व्हिडीओ पोस्ट केला होता. त्यानंतर कसबा पेठेत भाजपच्या हातून हा मतदारसंघ खेचल्यानंतर सोशल मीडियावर रवींद्र धंगेकर यांचे व्हिडीओ व्हायरल होत आहेत. (Chandrakant patil comment on Dhangekar)

Full View

तात्यासाहेब नावाच्या ट्विटर अकाऊंटवरून एक व्हिडीओ ट्वीट केला आहे. त्यामध्ये चंद्रकांत पाटील म्हणतात Who is Dhangekar? मात्र पुढे धंगेकर यांच्या विजयी रॅलीचा व्हिडीओ जोडत धंगेकर इज एमएलए असं म्हटलं आहे.

आरती मोरे यांनी व्हिडीओ ट्वीट केला आहे. त्यामध्ये त्यांनी रवींद्र धंगेकर यांचा चंद्रकांत पाटील यांच्या Who is Dhangekar? या प्रश्नावर उत्तर दिले आहे. त्यामध्ये धंगेकर म्हणाले, सर मी रवींद्र धंगेकर...

महेश झांबरे यांनी ट्वीट करून म्हटले आहे की, उत्तर मिळाले असेल चंद्रकांत पाटील यांना...

दिनेश मौर्या यांनीही धंगेकर यांच्या विजयोत्सवाचा व्हिडीओ ट्वीट करून चंद्रकांत पाटील यांना उत्तर मिळाले असेल, असं म्हटलं आहे.

पवन गरड यांनी चंद्रकांत पाटील यांच्या व्हिडीओला पुढे पत्ता करतो गुल हे गीत जोडत धंगेकर यांच्या विजयानंतरचा जल्लोषाचा व्हिडीओ ट्वीट केला आहे.