गणपती बसवण्यावरून बहिष्कारास्त्र?

बौद्ध कुटुंबाने घरात गणपती बसवला तर त्या कुटुंबावर बहिष्कार टाकण्याच्या फतव्याने सोशल मीडियावर खळबळ उडाली आहे. दैनिक 'वृत्तरत्न सम्राट' या वृत्तपत्रात यासंबधीचे आवाहन छापून आले आहे. तर 'चला हवा येऊ दे फेम' भाऊ कदमने घरात गणपती बसवल्याने त्याच्यावर भावकीनं बहिष्कार टाकल्याचीही सोशल मीडियावर चर्चा सुरू आहे. संविधानावर प्रखर निष्ठा असलेल्या आंबेडकरी विचारधारेत अशा बहिष्काराला कितपत थारा आहे असा प्रश्न यानिमित्तानं सोशल मीडियावर विचारला जात आहे. फेसबुकवर यावर ब-याच मंडळींनी आपली भूमिका मांडली आहे. पत्रकार कीर्तीकुमार शिंदे यांनी 'सम्राट'च्या बातमीबाबत प्रश्न उपस्थित केला आहे. व्होटबँक राजकारणापेक्षा हा प्रकार वाईट नाही का? असा सवाल कीर्तीकुमार यांनी केला आहे.

एकूणच बहिष्काराची भाषा करणा-यांना पुनर्विचार करावा लागणारी प्रतिक्रिया सोशल मीडियावर उमटताना दिसते आहे.