जाणता - अजाणता

वेताळाची उत्तर माहित असून दिले नाही तर काय होते ती अट माहीत असल्याने विक्रमादित्याने क्षणाचाही विलंब न लावता उत्तर दिले. “वेताळराज, आधीच्या राजाला उत्तरे माहीत होती पण त्याने ती कधी दिलीच नाहीत. उलट त्या उत्तराचा उपयोग करून घेऊन त्याने फक्त स्वत:ची आणि आप्तस्वकीयांचीच संपत्ती वाढविली. म्हणून लोकांनी चिडून त्याची राजवट उलथवून टाकली. कारण, वेताळा, चांगले राज्य करण्यासाठी फक्त उत्तरे माहिती असणे पुरेसे नाही. राजाची नियत साफ पाहिजे. त्याला स्वार्थ असता कामा नये. प्रजेचे हित हाच त्याला आपला स्वार्थ वाटला पाहिजे. आता दुसऱ्या प्रश्नाचे उत्तर - नवा राजा प्रामाणिक होता. अभ्यासूही होता. परंतू, राजकारण म्हणजे १० ची परीक्षा नाही. काही वेळा प्रश्नांची उत्तरे देण्यापेक्षा, लोकांना गुंतवून ठेवण्यासाठी, पहिल्या प्रश्नापेक्षा मोठे प्रश्न निर्माण करता आले पाहिजेत. नवा राजा फक्त उत्तरे शोधत बसला. त्याला राजकारणात प्रश्न निर्माण करण्याचे महत्व समजलेच नाही. त्यामुळे प्रजा पुन्हा आधीच्या राजाच्या शरण गेली. ”अशा प्रकारे राजाचे मौन भंग होताच प्रेतात बसलेला वेताळ राजाच्या खांद्यावरून निघून शेतकऱ्याप्रमाणे झाडाला जाऊन लटकू लागला.