"साडे बारा वाजेपर्यंत समजेल" जागा वाटपावरुन संजय राऊत यांचं मोठं विधान

संजय राऊत यांनी जागा वाटपावरून नाना पटोले यांच्या भूमिकेबाबत प्रतिक्रिया दिली, जिथे त्यांनी स्पष्ट केले की, "मी असं म्हटलेलं नाही. माझ्या तोंडी तुम्ही हे वाक्य घालू नका. मी कोणावरही व्यक्तीगत मतप्रदर्शन केलेलं नाही."

काँग्रेस आणि शिवसेना यांच्यातील जागा वाटपाच्या चर्चांवर बोलताना राऊत म्हणाले की, "जागा वाटपाची चर्चा थांबलेली असं म्हणता येणार नाही. काल दिवसभर शरद पवार यांच्या नेतृत्वाखाली चर्चा सुरु होती. जयंत पाटील आणि आम्ही चर्चा केली. राष्ट्रवादी आणि आमच्यातील बरेचसे पेच सुटलेले आहेत."

संजय राऊत यांच्या मते, "शेवटी एकत्र बसून गुंता सोडवण्याची मानसिकता लागते, जी आमच्या दोघांमध्ये आहे." त्यांनी सांगितले की, "अनेक जागांवरचा तिढा आम्ही सोडवलेला आहे. शरद पवार आणि उद्धव ठाकरे यांचं मार्गदर्शन महत्त्वाचं आहे."

राष्ट्रवादी आणि शिवसेनेत संवाद वाढत असल्याने, काँग्रेस पक्षाचे नेते रमेश चेन्नीथ आज मातोश्रीवर येणार आहेत, ज्यामध्ये उद्धव ठाकरेंसोबत चर्चा होणार आहे.

नाना पटोले यांच्या अडवणुकीच्या भूमिकेबाबत संजय राऊत म्हणाले, "आघाड्या निर्माण होतात, तेव्हा जागावाटपात असे अडथळे येतात." त्यांनी उदाहरण दिले की, "शिवसेना-भाजपा एकत्र होते, तेव्हा असे अडथळे यायचे."

आज 12.30 वाजता काय समजणार?

“काँग्रेस मोठा राजकीय पक्ष आहे. आम्ही प्रादेशिक पक्ष आहोत. प्रादेशिक पक्षांना राष्ट्रीय पक्षाने स्थान दिलं पाहिजे. केरळ, कर्नाटक तसच अन्य राज्यात प्रादेशिक पक्षांच्या जोरावर राजकारण सुरु आहे. प्रादेशिक पक्ष नसते, तर मोदी आज पंतप्रधान होऊ शकले नसते. इंडिया आघाडीत सर्वात जास्त प्रादेशिक पक्ष आहेत” असं संजय राऊत म्हणाले. सोमवार-मंगळवार पर्यंत जागावाटप जाहीर होईल का? या प्रश्नावर संजय राऊत म्हणाले की, “राष्ट्रवादी आणि आमच्यात जागा वाटप संपलेलं आहे. आमच्यात फार मतभेद नाहीत. आमच हायकमांड मुंबईत आहे. काँग्रेस-शिवसेनेत काय फायनल होतं, ते आज 12.30 वाजेपर्यंत समजेल”