शेतकऱ्यांना चिरडल्यारुन प्रियांका गांधी आक्रमक; अटक केलेल्या गेस्टहाऊसमधे झाडू मारताना व्हिडीओ व्हायरल...
लखीमपूर खेरीला इथे शेतकऱ्यांच्या अंगावर गाड्या घालून मारल्याच्या घटनेचा देशभर निषेध होत असताना या घटनेवरुन कॉंग्रेस सरचिटणीस प्रियंका गांधी प्रंचड आक्रमक झाल्या आहेत. पोलिसांशी संघर्ष केल्यानंतर त्यांना सीतापूरमधे ताब्यात घेऊन गेस्ट हाऊसमधे ठेवण्यात आलयं. या ठिकाणी प्रियंका गांधी झाडू घेऊन स्वतः सफाई करतानाचा व्हिडीओ समाजमाध्यमांवर व्हायरल झाला आहे.
लखीमपूर खेरीलामधील हिंसाचारात चार शेतकऱ्यांसह आठ जणांचा मृत्यू झाला आहे. या घटनेवरुन परस्परविरोधी आरोप होत असताना कॉंग्रेस देखील आक्रमक झाली आहे. कॉंग्रेसच्या सरचिटणीस प्रियंका गांधी वाड्रा रविवारी रात्रीच लखीमपूर खेरीला पीडित कुटुंबीयांना भेटण्यासाठी रवाना झाल्या होत्या. त्याला आधी लखनौ मध्ये थांबवण्यात आले आणि नंतर सीतापुरात थांबवण्यात येऊन ताब्यात घेण्यात आले. यावेळी पोलिसांशी त्यांचा मोठा संघर्ष झाला.
भाजप सरकार शेतकऱ्यांना चिरडून टाकून संपवण्याचा राजकारण करत असल्याचा त्यांनी आरोप केला आहे.
प्रियंका यांच्या संघर्षाला बंधू राहूल गांधी यांनी देखील पाठिंबा दिला आहे. प्रियंका, तु घाबरणार नाही. तुझ्या हिमतीला ते घाबरले आहेत. या अहिंसेच्या लढाईत अन्नदाता शेतकरी जिंकेल असा विश्वास त्यांनी व्यक्त केला आहे.
याआधी प्रियांका गांधींना ताब्यात घेण्यासाठी यूपी पोलीसांनी मोठं नियोजन केलं होतं.. प्रत्येक कोपऱ्यात नाकाबंदी, प्रत्येक रस्त्यावर पोलिस तैनात असूनही प्रियांका गांधी प्रशासनाला चकवा देत पुढे जात राहिल्या. प्रियांकाचा मार्ग बदलल्याचे प्रशासनाला समजताच अधिकारी गोंधळात पडले. त्याला ताब्यात घेण्यासाठी यूपी पोलिसांना रात्रभर संघर्ष करावा लागला. पोलिसांनी त्यांच्यावरही लाठीमार केला.
उत्तर प्रदेशचे माजी मुख्यमंत्री समाजवादी पक्षाचे नेते अखिलेश यादव यांनाही पोलिसांनी ताब्यात घेतलं आहे. पोलीस आणि रॅपिड अॅक्शन फोर्स (आरएएफ) ची एक तुकडी लखनौमधील विक्रमादित्य मार्गावरील समाजवादी पक्षाचे नेते अखिलेश यादव यांच्या घराबाहेर तैनात करण्यात आली होती. यादव यांनी हिंसक प्रभावित जिल्हा लखीमपूर खेरीला भेट देण्यापूर्वीच त्यांना ताब्यात घेतलं. लखीमपूर खेरीमध्ये 8 लोकांच्या मृत्यूबद्दल उत्तर प्रदेशच्या मुख्यमंत्री योगी आदित्यनाथ यांचा राजीनामा मागितला होता, त्यांना पीडितांच्या कुटुंबीयांना भेटण्याची इच्छा होती. कायदा आणि सुव्यवस्थेची परिस्थिती टाळण्यासाठी पोलिस अधिकाऱ्यांनी यादव यांना लखीमपूर खेरीला जाण्यापासून रोखले. अखिलेश यादव, चारही बाजूंनी पोलिसांनी वेढलेला असल्याचा व्हिडिओ पत्रकार प्रशांत कुमार यांनी ट्विटरवर शेअर केला आहे.
लखीमपूर खेरी घटनेसंदर्भात लखनौ येथील मुख्यमंत्र्यांच्या निवासस्थानी बैठक सुरू आहे. बैठकीला उपमुख्यमंत्री केशव प्रसाद मौर्य आणि सुरेश खन्ना उपस्थित आहेत
