राज्यसभेतून निलंबनानंतर, प्रियांका चतुर्वेदी यांचा संसद टीव्ही शोच्या अँकर पदाचा राजीनामा
संसदेच्या ऑगस्टमधील पावसाळी अधिवेशनात गोंधळ घालणाऱ्या विरोधकांच्या 12 राज्यसभा खासदारांच्या निलंबनानंतर विरोधक आक्रमक असताना या 12 खासदारांमध्ये शिवसेना खासदार प्रियांका चतुर्वेदी यांच्या नावाचाही समावेश आहे. त्यानंतर राज्यसभेच्या कामकाजातून निलंबनानंतर आज रविवारी प्रियंका चतुर्वेदी यांनी संसद टीव्ही शोच्या अँकर पदाचा राजीनामा दिला आहे, ज्याची माहिती त्यांनी तिच्या ट्विटर अकाउंटवर एक पत्र शेअर करून दिली आहे.
राज्यसभेचे अध्यक्ष व्यंकय्या नायडू यांना लिहिलेल्या पत्रात त्यांनी म्हटले आहे की, संसद टीव्ही या मेरी कहानी या कार्यक्रमाच्या अँकर पदावरून मी पायउतार होत आहे याचे अत्यंत दु:ख होत आहे, मी संसद टीव्हीवर शोसाठी निवेदकाचे काम करणार नसून आम्ही संसदीय कर्तव्ये पार पाडत असताना आमच्या 12 खासदारांचे मनमानीपणे निलंबन केल्यामुळे मी या पदावरून पायउतार होत आहे.
It is with anguish that I step down as anchor of @sansad_tv's show Meri Kahani,I am unwilling to occupy space on Sansad TV for a show but denied space on it fr discharging parliament duties due to arbitrary suspension.Hence as much as I was committed to the show,I must step away. pic.twitter.com/6hSMFEWjBA
— Priyanka Chaturvedi🇮🇳 (@priyankac19) December 5, 2021
ऑगस्टमध्ये 12 विरोधी खासदारांना गेल्या पावसाळी अधिवेशनात त्यांच्या "अशांत" वर्तनासाठी संसदेच्या संपूर्ण हिवाळी अधिवेशनासाठी राज्यसभेतून निलंबित करण्यात आले होते. विरोधकांनी हे निलंबन अलोकतांत्रिक आणि वरिष्ठ सभागृहाच्या सर्व प्रक्रियेच्या नियमांचे उल्लंघन करणारे असल्याचे म्हटले आहे. निलंबित खासदारांमध्ये काँग्रेसचे सहा, तृणमूल काँग्रेस आणि शिवसेनेचे प्रत्येकी दोन आणि सीपीआय आणि सीपीआय(एम) च्या प्रत्येकी एकाचा समावेश आहे.
