गवताच्या पेटत्या गंजीवरून बैलाला उड्या मारायला लावल्याचा व्हिडीओ व्हायरल; कारवाईची मागणी

कल्याण : कल्याणमध्ये गवताच्या गंजीला आग लावून त्यावरून बैलाला उड्या मारायला लावल्याचा व्हिडीओ सोशल मीडियावर चांगलाच व्हायरल होत आहे. दिवाळी निमित्त कल्याण पुर्वेकडील काटेमानवली चिंचपाडा भागात आयोजित कार्यक्रमात हा धक्कादायक प्रकार घडला असून, कार्यक्रमाचा हा थरारक व्हिडीओ मोबाईल कॅमेऱ्यात कैद झाला आहे. हा व्हिडिओ सध्या सोशल मीडियावर जोरदार व्हायरल झाला आहे. गवताला आग लावून त्यावरून बैलांना उड्या मारायला लावून बैलांच्या जीविताशी खेळ केला जात असून अशा प्रकारे कृत्य करणाऱ्या विरोधात कारवाईची मागणी प्राणी मित्रांकडून केली जात आहे. याबाबत व्हिडिओ तपासून योग्य ती कायदेशीर कारवाई केली जाईल अस कोलशेवाडी पोलिसांकडून सांगण्यात आले आहे.