गडकरींनी घेतला मनोहर जोशींचा आशिर्वाद, चर्चांना उधाण

केंद्रीय मंत्री नितीन गडकरी यांनी महाराष्ट्राचे माजी मुख्यमंत्री मनोहर जोशी यांची मुंबईत त्यांच्या निवासस्थानी भेट घेतली. या भेटीनंतर राजकीय वर्तुळात चर्चेला उधाण आलं आहे. दरम्यान गडकरी यांनी ही भेट सदिच्छा भेट असल्याचं म्हटलं आहे.

गडकरी हे मनोहर जोशी यांच्या काळात 1995 ते 1999 मध्ये राज्याचे सार्वजनिक मंत्री होते. या काळात मुंबईत 55 फ्लायओव्हर, पुणे मुंबई हाय वे, वरळी सी लिंक, कोस्टल रोड, ट्रन्सहार्बर इत्यादीचं काम पूर्ण केलं. आज नितिन गडकरी मुंबईच्या दौऱ्यावर आहेत.

या दौऱ्यात ते एका प्रकल्पासंदर्भात मुख्यमंत्री उद्धव ठाकरे, उपमुख्यमंत्री अजीत पवार, अशोक चव्हाण यांच्या सोबत संध्याकाळी ५ वाजता सह्याद्री अतिथीगृहात आढावा बैठक घेणार आहेत. या बैठकीनंतर गडकरी उपस्थीत पत्रकारांना महाराष्ट्रातील प्रकल्पांसंदर्भात महत्त्वाची माहिती देतील.