नाशिकमध्ये खासगी बसला भीषण आग, मृतांचा आकडा वाढण्याची भीती

नाशिकमधील नांदुरनाका येथे खासगी बसला आग लागून मोठी दुर्घटना घडली.

नाशिक- औरंगाबाद महामार्गावर शनिवारी पहाटे नांदुरनाका येथे भीषण दुर्घटना घडली. एका खासगी बसला आग लागल्याने अकरा जणांचा मृत्यू झाला असून मृतांचा आकडा वाढण्याची भीती व्यक्त केली जात आहे.

येथे खासगी बसला आग लागल्याने भीषण दुर्घटना घडली. या आगीत दहा प्रौढ आणि एका बालकाचा जळून मृत्यू झाल्याची माहिती समोर आली आहे. यासंदर्भात एएनआय या वृत्तसंस्थेने वृत्त दिले आहे.

नाशिकमध्ये शनिवारी पहाटे चिंतामणी ट्रॅव्हल्सची एक बस यवतमाळहून मुंबईच्या दिशेने जात होती. या बसचा धुळ्याहून पुण्याकडे निघालेल्या एका कंटेनरसोबत धडक झाली. यानंतर या खासगी बसला आग लागली. या आगीत जळून 11 जणांचा मृत्यू झाला आहे. त्याबरोबरच 21 जण गंभीररित्या भाजले गेले आहेत. त्यांच्यावर रुग्णालयात उपचार सुरू आहेत. पोलिसांचा पथक आणि अग्निशमन दल घटनास्थळी दाखल झाले असून मदतकार्य सुरू आहे. मात्र मृतांचा आकडा वाढण्याची भीती व्यक्त केली जात आहे.

(बातमी अपडेट करत आहोत)