डोंबिवलीत दि. बा. पाटलांच्या नावासाठी मशाल मोर्चा

डोंबिवलीत नवी मुंबई आंतरराष्ट्रीय विमानतळाला दि. बा. पाटील यांचे नाव देण्याच्या मागणीसाठी आज क्रांती दिनी डोंबिवलीमध्ये मशाल मोर्चा काढण्यात आला. यावेळी शेकडो नागरिक व प्रकल्प ग्रस्त, भूमिपुत्र या मशाल मोर्चात सहभागी झाले होते.

मशाल मोर्चा डोंबिवली येथील मानपाडाश्वर मंदीर शिव मंदिर येथून सुरु झाला. मानपाडाश्वर मंदिराच्या परिसराच्या आजूबाजूच्या गावांमधून हातात झेंडे घेऊन घोषणाबाजी करत कार्यकर्ते मोर्चात सहभागी झाले.

नवी मुंबई आंतरराष्ट्रीय विमानतळाला दि. बा. पाटील यांचे नाव देण्याच्या मागणीसाठी गावागावातून मशाल मोर्चा काढण्यात आला. यावेळी या मोर्चात महिलांनीही सहभाग घेतला असून याआधी काढण्यात आलेले सर्व आंदोलन हे शांततेच्या मार्गाने असून यापुढे दी.पा पाटील यांचे नाव दिले नाही तर विमानतळावर सुरू असलेले काम बंद करण्याचा इशारा कार्यकर्त्यांकडून देण्यात आला.नवी मुंबई आंतरराष्ट्रीय विमानतळाला दि. बा. पाटील यांचे नाव देण्याच्या मागणीसाठी मशाल मोर्चा काढण्यात आला