'बाहेर कोणाला उमेदवारी जाण्यापेक्षा आपल्या घरातच उमेदवारी'- एकनाथ खडसे

आगामी महाराष्ट्र विधानसभा निवडणुकीसाठी भाजपने चौथी उमेदवार यादी जाहीर केली असून या यादीमध्ये बहुचर्चित मुक्ताईनगर मतदार संघातून एकनाथ खडसे यांची मुलगी रोहिणी खडसे यांना उमेदवारी देण्यात आल्याने आता एकनाथ खडसे यांचा विरोध मावळताना दिसत आहे.

मुक्ताईनगर येथे पत्रकारांशी संवाद साधताना भाजप पक्षाने रोहिणी खडसे यांना संधी दिल्याबद्दल आभार मानत रोहिणी ताईंना पक्षाच्या आणि जनतेच्या माध्यमातून साथ द्यावी असे आवाहन एकनाथ खडसे यांनी केले आहे.

• एकनाथ खडसेंच यादीत नाव
• एकनाथ खडसे राष्ट्रवादीमध्ये प्रवेश करणार?
• एकनाथ खडसे आणि गिरीश महाजन यांच्या साठी आजचा दिवस महत्वाचा

"गेली 40 वर्ष मी पक्षाची सेवा केलीय पक्षाचा आदेश आहे तो मानावा लागेल, पक्षाच्या काही अडचणी असतील त्या समजून घेतल्या पाहिजेत, बाहेर कोणाला उमेदवारी जाण्यापेक्षा आपल्या घरातच उमेदवारी रोहिणीला मिळाली आहे. रोहिणीताईंना तुम्हाला निवडून आणायचं आहे." असं भावनिक आवाहन एकनाथ खडसे यांनी केलंय.