भारतातील कोरोना परिस्थिती हृदय पिळवटून टाकणारी; जागतिक आरोग्य संघटनेकडून गंभीर चिंता व्यक्त

देशात विस्फोट झालेल्या प्रकरणात सुनामीच्या लाटेला अजूनही 'सिस्टिम'चा दोष असल्याचे सांगितले जात असताना जागतिक माध्यमांनी भारतीय नेतृत्वाचा पर्दाफाश केला आहे. जगातील अनेक देशांकडून मदतीचा ओघ सुरू झाला असताना आता जागतिक आरोग्य संघटनेचे अध्यक्ष टेड्रोस घेब्रेयेसस यांनी भारतातील कोरोना परिस्थिती हृदय पिळवटून टाकणारी असल्याचे म्हटले आहे. टेड्रोस घेब्रेयेसस यांनी सांगितलं की, भारतातील कोरोनाची स्थिती लक्षात घेता जागतिक आरोग्य संघटनेकडून मदत पुरवण्याचं काम सुरू आहे. ऑक्सिजनच्या पुरवठ्यासोबतच पीपीई किट्स आणि इतर साहित्यांची मदत भारताला देण्यात येत आहे.

भारतातील कोरोनाच्या संकटाला नियंत्रित आणण्यासाठी जागतिक आरोग्य संघटनेचे दोन हजारहून जास्त कर्मचारी भारतात काम करत असल्याचं तसेच भारतातील लसीकरणाच्या कार्यक्रमात मदत करत असल्याचं टेड्रोस घेब्रेयेसस यांनी सांगितलं. तसेच जगभरातील इतरही अनेक देशांनी भारताला मदत द्यायला सुरुवात केली आहे.दुर्दैवाने भारत सध्या विनाशकारी कोरोनाच्या दुसऱ्याला लाटेशी लढत असून या लाटेमुळे भारतातील आरोग्य व्यवस्था कमी पडून वाढत्या कोरोना मृत्यूमुळे स्मशानभूमी पूर्ण क्षमतेने कार्यरत असल्याची व्यथा आरोग्य संघटनेच्या प्रमुखांनी मांडली आहे

अलिकडच्या दिवसांत झालेल्या कोरोना वाढीमुळे रूग्णांच्या कुटुंबीयांनी सोशल मीडियावर ऑक्सिजनचा पुरवठा आणि रुग्णालयाच्या उपलब्ध बेडांची जागा मागण्याची मागणी केली आहे आणि राजधानी नवी दिल्लीला आठवडाभर लॉकडाउन वाढण्यास भाग पाडले आहे. टेड्रॉस म्हणाले, "डब्ल्यूएचओ भारताला सर्वतोपरी मदत करेल त्यासाठी आवश्यक उपकरणांचा पुरवठा करीत आम्ही शक्य तितके सर्व करीत आहे.

आम्ही आतापर्यंत हजारो ऑक्सिजन केंद्रे, पूर्वनिर्मित मोबाईल फील्ड हॉस्पिटल्स आणि प्रयोगशाळा पुरवठा पुरवत आहोत. डब्ल्यूएचओने असेही म्हटले आहे की त्यांनी पोलिओ आणि क्षयरोगासह विविध कार्यक्रमांमधून आपल्या 2,600 हून अधिक तज्ञांना साथीच्या रोगाचा प्रतिसाद देण्यासाठी मदत करण्यासाठी भारतीय आरोग्य यंत्रणेच्या मदतीला पाठवले आहे. देशात कोरोना विषाणूचा आकडा अगदी झपाट्यानं वाढू लागला आहे. नव्या कोरोनाबाधितांचा आकडा काही केल्या कमी होण्याचं नाव घेत नाही आहे.

भारतात गेल्या २४ तासांत ३ लाख २३ हजार १४४ रुग्णांची नोंद झाली आहे, तर २७७१ रुग्णांचा मृत्यू झाला. दरम्यान देशात गेल्या २४ तासांत २ लाख ५१ हजार ८२७ रुग्ण उपचारानंतर बरे झाले असून आतापर्यंत १ कोटी ४५ लाख ५६ हजार २०९ जणांनी करोनावर मात केली आहे. रुग्णसंख्येत ४७.६७ टक्के रुग्ण हे पाच राज्यांमधील असून एकटा महाराष्ट्र १५.७ टक्के रुग्णसंख्येसाठी जबाबदार आहे.