माजी पंतप्रधान डॉ. मनमोहन सिंह यांचे निधन, 92 व्या वर्षी घेतला अखेरचा श्वास
प्रकृतीच्या कारणास्तव डॉ. मनमोहन सिंह हे गेल्या काही वर्षांपासून राजकारणापासून दूर होते. आता त्यांचं निधन झालं आहे. 1991 साली देश आर्थिक संकटाशी सामना करत असताना त्यावेळचे अर्थमंत्री मनमोहन सिंह यांनी देशाची बाजारपेठ जगासाठी खुली केली. त्यांनी खासगीकरण-उदारीकरण आणि जागतिकीकरणाचा मार्ग अवलंबला आणि देशाची अर्थव्यवस्था ही रुळावर आणली.
मनमोहन सिंग यांना रात्री ८ वाजता आपत्कालीन परिस्थिती दिल्लीतील एम्स रुग्णालयात दाखल करण्यात आलं होतं. माजी पंतप्रधान मनमोहन सिंग आणि काँग्रेसचे दिग्गज नेते यांचे गुरुवारी निधन झाले. एम्सच्या सूत्रांनी दिलेल्या माहितीनुसार, त्यांची प्रकृती चिंताजनक होती आणि अनेक डॉक्टरांच्या टीमकडून त्यांच्यावर उपचार सुरू होते.
मनमोहन सिंग हे भारताचे एकमेव शीख पंतप्रधान होते ज्यांनी 1991 मध्ये राज्यसभेत प्रवेश केला होता, त्या वर्षी जूनमध्ये पीव्ही नरसिंह राव सरकारच्या अंतर्गत अर्थमंत्री बनल्यानंतर फार काळ लोटला नाही. 2019 मध्ये राजस्थानमध्ये जाण्यापूर्वी ते वरच्या सभागृहात पाच वेळा आसामचे प्रतिनिधित्व करत होते.
संसदेतील त्यांचे शेवटचे शब्द नोटाबंदीच्या विरोधात जोरदार टीका करणारे होते. सन 1996 साली मनमोहन सिंह हे राज्यसभेचे विरोधी पक्षनेते होते. 2004 साली यूपीएची सत्ता आल्यानंतर ड. मनमोहन सिंह यांनी देशाचे 13 वे पंतप्रधान म्हणून शपथ घेतली. 2004 ते 2014 या काळात त्यांनी दोन वेळा पंतप्रधान म्हणून काम केलं. एप्रिल 2024 साली त्यांनी राज्यसभेतून निवृत्ती घेतली.
