घाटकोपरमध्ये भाजप कार्यकर्त्यांचा राडा

महाराष्ट्र विधानसभा निवडणुकांसाठी भाजपची चौथी यादी जाहीर झाल्यानंतरही प्रकाश मेहता यांना भाजपकडून उमेदवारी न मिळाल्याने प्रकाश मेहता यांच्या समर्थकांमध्ये प्रचंड नाराजी पसरली आहे.

भाजपने यंदाच्या निवडणुकांसाठी बऱ्याच ज्येष्ठ नेतेमंडळींना डावललं असून प्रकाश मेहता यांनाही उमेदवारी मिळाली नाही. घाटकोपर पूर्व या मतदार संघातून पराग शाह यांना भाजपाची उमेदवारी देण्यात आली आहे.

https://youtu.be/eHc8oSXEMxo

यामुळेच प्रकाश मेहता यांच्या समर्थकांनी पराग शाह यांच्या गाडीची तोडफोड केली आहे. यानंतर प्रकाश मेहता आणि पराग शाह यांच्या समर्थकांमध्ये चांगलीच जुंपली असून दोन्ही गटात प्रचंड हाणामारी झाली आहे.