पंतप्रधान नरेंद्र मोदी यांच्या कार्यक्रमासाठी बसेस पाठवल्याने, बस स्थानकावर प्रवाशांचे प्रचंड हाल

पंतप्रधान नरेंद्र मोदी यांच्या वाशिम जिल्ह्यातील पोहरा देवीच्या कार्यक्रमासाठी अकोल्याच्या मध्यवर्ती बस आगारातून तब्बल 165 एसटी बसेस पाठवण्यात आल्या होत्या. त्यामुळे अकोला बस स्थानकावर शनिवारी सकाळपासूनच प्रवाशांचे प्रचंड हाल झाले. ग्रामीण भागात अनेक ठिकाणी जाण्यासाठी एसटी बस हाच एकमेव पर्याय प्रवाशांसमोर आहे. मात्र एसटी बसच नसल्याने प्रवासी त्रस्त झाले आहेत. अकोला विभागातील 320 एसटी बसेस पैकी 165 एसटी बसेस शनिवारी पोहरा देवी येथील पंतप्रधान नरेंद्र मोदी यांच्या कार्यक्रमासाठी पाठवण्यात आल्या होत्या त्यामुळे प्रवाशांचे हाल सुरू झाल्याने उद्धव ठाकरेंच्या शिवसेनेने अकोला मध्यवर्ती बस स्थानकावर जोरदार निदर्शने केली. मोदीजी बस द्या, प्रवाशांना बस द्या, अशी नारेबाजी करत बस स्थानकावर प्रवाशांनी आपला संताप व्यक्त केला