आमदार निलेश लंके यांचा विमानातील फोटो ट्विट करत चित्रा वाघ यांनी साधला निशाणा
अहमदनगर : Chitra Wagh criticizes MLA Nilesh Lanke
पारनेरचे आमदार निलेश लंके यांच्या दौऱ्याबाबत भाजपच्या प्रदेशाध्यक्षा चित्रा वाघ यांनी ट्विट करत जोरदार निशाणा साधला आहे. 'पारनेरच्या तहसीलदार ज्योती देवरे यांच्या बदलीसाठी या सगळ्यांनी केलेला नवस फेडायला गेलेत म्हणे,एका महिलेला हटवल्याचा असूरी आनंद दिसतोय चेहऱ्यावर ,वाईट गोष्ट ही कि यात सरकारमधल्यांपासून सगळेच सहभागी' असं ट्विट करत त्यासोबत पारनेरचे आमदार निलेश लंके, पोलिस निरीक्षक घनश्याम बळप , ठाणे अंमलदार भालचंद्र दिवटे यांचा विमानातील फोटो चित्रा वाघ यांनी पोस्ट केला आहे.
ओळखलतं का यांना
— Chitra Kishor Wagh (@ChitraKWagh) September 27, 2021
नगर पारनेरचे PI बळप(रेड) तर पोलिस दिवटे(ब्लू)
आमदार निलेश लंके या २ पोलिसांना विमानाने फिरवून आणताहेत
एव्हढी बडदास्त आमदार ठेवतोय म्हंटल्यावर त्याने या पोलिसांसमोर कुठल्या महिलांना शिव्या देवो किंवा हात उगारो जीभ कशी रेटेल बोलायला आणि हात कसे उठतील कारवाईसाठी ?? pic.twitter.com/vSAY9ZN8r9
सोबतच त्यांनी आपल्या ट्विटमध्ये लिहिलं आहे की,ओळखलतं का यांना? नगर पारनेरचे PI बळप तर पोलिस दिवटे आमदार निलेश लंके या २ पोलिसांना विमानाने फिरवून आणताहेत. एव्हढी बडदास्त आमदार ठेवतोय म्हंटल्यावर त्याने या पोलिसांसमोर कुठल्या महिलांना शिव्या देवो किंवा हात उगारो जीभ कशी रेटेल बोलायला आणि हात कसे उठतील कारवाईसाठी ? असं चित्रा वाघ यांनी केले आहे.
तहसीलदार ज्योती देवरेच्या बदली साठी या सगळ्यांनी केलेला नवस फेडायला गेलेत म्हणे
— Chitra Kishor Wagh (@ChitraKWagh) September 27, 2021
एका महिलेला हटवल्याचा असूरी आनंद दिसतोय चेहर्यावर…वाईट गोष्ट ही कि यात सरकारमधल्यांपासून सगळेच सहभागी…
आम्ही ही चिवट आहोत लढत राहू शेवटपर्यंत तुमच्या तोंडाला फेस आणेपर्यंत…
पारनेरच्या तहसीलदार ज्योती देवरे आणि आमदार निलेश लंके यांच्यातील वाद हा संपूर्ण महाराष्ट्राने बघितला. हाच मुद्दा घेत भाजप नेत्या चित्रा वाघ यांनी ज्योती देवरे यांची भेट घेत राळ उठवली होती, यावरून प्रचंड राजकारण देखील तापले होते, दरम्यान पारनेर तहसील कार्यालयातील कर्मचाऱ्यांनी तहसीलदार ज्योती देवरे यांची बदली करा अन्यथा आमची इतरत्र बदली करा म्हणत काम बंद आंदोलन केले होते. ज्योती देवरे या कनिष्ठ कर्मचाऱ्यांना चांगली वागणूक देत नाहीत असा आरोप त्यांनी केला होता.
तर ज्योती देवरे यांनी देखील आमदार निलेश लंके यांच्यावर गंभीर आरोप करत आपल्या कर्मचाऱ्यांना व आपल्याला आमदार निलेश लंके यांनी शिवीगाळ करत धमकवल्याची आरोप केला होता. सोबतच त्यांची एक ऑडिओ क्लिप देखील व्हायरल झाली होती. त्यानंतर महाराष्ट्रभर राजकारण चांगलेच तापले होते.
दरम्यान ज्योती देवरे यांची बदली झाली, मात्र त्यांची बदली झाल्यानंतर आमदार निलेश लंके यांनी पोलीस अधिकाऱ्यांना विमान दौरा घडवत नवस फेडल्याचे म्हणत भाजप नेत्या चित्रा वाघ यांनी निलेश लंके यांच्यावर जोरदार निशाणा साधला आहे.
