चेन्नईचा दिग्गज खेळाडू Mr. IPL शेवटच्या सामनाही मुकण्याची शक्यता; खराब कामगिरीमुळे आजही बाहेर?
IPL 2021: इंडियन प्रीमियर लीग 2021 च्या अंतिम सामना आता तासांवर येऊन ठेपला आहे. आज कोलकाता नाइट राइडर्स आणि चेन्नई सुपरकिंग्स (CSK vs KKR) यांच्यात दुबईच्या आंतरराष्ट्रीय मैदानावर हा सामना रंगणार आहे. या अखेरच्या आणि महत्त्वाच्या सामन्यासाठी दोन्ही संघ आपली बेस्ट 11 खेळाडू घेऊन खेळणार यात शंका नाही. त्यामुळे चेन्नईचा दिग्गज खेळाडू सुरेश रैना (Suresh Raina) जो यंदा खास फॉर्ममध्ये नसल्याने या सामन्याला तो मुकण्याची दाट शक्यता आहे. मागील काही सामने तो संघात याच कारणामुळे नसल्याचे दिसून येत आहे.
सुरेश रैना याला मिस्टर IPL म्हटलं जात. चेन्नईला तीन वेळा चॅम्पियन बनवण्यात रैनाचा मोठा वाटा आहे. मात्र यंदा त्याचा फॉर्म अतिशय खराब असल्याचं पाहायला मिळाले आहे. यंदाच्या पर्वात तो 12 सामन्यात 17.77 च्या सरासरीने केवळ 160 धावाच करू शकला आहे. त्यामुळे मागील तीन सामने तो संघात नसून त्याच्या जागी रॉबिन उथप्पा याला स्थान गेलं आहे.
रैनाच्या जागी संघात स्थान मिळालेल्या उथप्पाने दिल्ली विरुद्ध क्वॉलिफायरमध्ये उत्कृष्ट अर्धशतक ठोकल्यामुळे तोच अंतिम सामन्यातही संघात असण्याची दाट शक्यता आहे. त्याने या महत्त्वाच्या सामन्यात 44 चेंडूत 63 धावा ठोकल्या होत्या. यावेळी 2 षटकारांसह त्याने 7 चौकारही लगावले.
