रोहित पवार शरद पवारांच्या खांद्यावर बसून उंची मोजतात: गोपीचंद्र पडळकर

आमदार रोहित पवार यांनी कर्जत जामखेड मतदार संघातील जनतेला विकासचं स्वप्न दाखवत माजी मंत्री राम शिंदे यांचा पराभव केला होता. मात्र, कर्जत जामखेड मतदार संघातील रस्ते अद्यापपर्यंत जैसे थेच स्थिती असल्याचं वास्तव भाजप आमदार गोपिचंद पडळकर यांनी रस्त्यावर उतरुन दाखवलं आहे. आमदार गोपिचंद पडळकर काही कामानिमित्त औरंगाबाद ला जात असताना त्यांनी आमदारा रोहित पवार यांच्या मतदार संघातील रस्ता खराब असल्याचं एका व्हिडीओ च्या माध्यमातून दाखवलं आहे.

या व्हिडीओमध्ये शरद पवारांच्या खांद्यावर बसुन मी महाराष्ट्रात सर्वात उंच आहे. असा आभास झालेल्या आमदार रोहित पवारा यांनी खांद्यावरून खाली मतदार संघात उतरावे व मतदार संघातील कामावर लक्ष द्यावे. मोदी साहेब व फडणवीस साहेबांना सल्ले देत बसू नये. अशी टीका पडळकर यांनी केली आहे.