भिडेच वादग्रस्त वक्तव्य चिघळलं; चव्हाणांचा सवाल? ‘हा भाजपनं पेरलेला माणूस आहे का?’

भिडे यांनी महात्मा गांधी यांच्यावर केलेल्या वादग्रस्त वक्तव्याचे पडसाद अधिवेशनातउमटले होते. त्यावेळी मनोहर भिडे प्रकरणावरून सभागृहात सत्ताधारी-विरोधकांमध्ये जोरदार खडाजंगी झाली. या प्रकरणी काँग्रेसचे आमदार पृथ्वीराज चव्हाण आणि आमदार यशोमती ठाकूर यांना धमकी आली होती. यावर अधिवेशनात विरोधक चांगलेच आक्रमक झालेले पाहायला मिळाले.

काही दिवसापासूपूर्वी अमरावती येथे मनोहर भिडे यांनी राष्ट्रपिता महात्मा गांधी यांच्याबद्दल वादग्रस्त वक्तव्य केलं होत . यावरुन सभागृहात माजी मुख्यमंत्री पृथ्वीराज चव्हाण आणि उपमुख्यमंत्री देवेंद्र फडणवीस यांच्यात गुरूजी शब्दावरून चांगलीच जुंपली होती. त्यानंतर आता चव्हाण यांनी भाजपवर टीकास्त्र सोडताना काही सवाल केले आहेत. तर भिडे यांच्यावर देखील टीका केली आहे. यावेळी हा गंभीर विषय असून आरएसएसच्या काही संघटना आहेत. त्यात काही छुप्या आहेत. त्यांना ते गुप्तपणे काम करायला सांगतात. त्यापैकीच संभाजी भिडे यांची संघटना आहे का? भिडे हा धार्मिक आणि जातीय तेड निर्माण करतो. तर विदर्भात त्याला काम करण्यास आरएसएसने सांगितलं आहे का? कारण तेथे भाजपची स्थिती बिकट आहे. त्यामुळे भिडे हा भाजपणे पेरलेला माणूस आहे का अशी शंका येत असल्याचेही चव्हाण म्हणाले आहेत.