शिवसेना सक्रीय, बीड मध्ये होमिओपॅथीक औषधाचं वाटप

कोरोनाच्या रुग्णांसाठी ‘अर्सेनिक अल्बम ३०’ या औषधाचा वापर केल्यास फायदा होत असल्याचे आयुष मंत्रालयाच्या मार्गदर्शक सूचनांमध्ये नमूद केलं आहे. आज शिवराज्याभिषेक दिन त्यानिमित्ताने कोरोनासारख्या वैश्विक महामारीपासून बचाव करण्यासाठी व रोगप्रतिकारक शक्ती वाढवण्यासाठी, माजी मंत्री जयदत्त क्षीरसागर यांनी बीड मतदार संघातील 5 लाख नागरिकांना ‘अर्सेनिक अल्बम ३०’ या औषधाचं वाटप करणार असल्याचं जाहीर केलं आहे.

दरम्यान 5 लाख नागरिकांना या औषधांचा लाभ होणार असल्यानं नागरिकांना मोठा दिलासा मिळणार आहे. काकु-नाना प्रतिष्ठाण व सोनाजीराव क्षीरसागर होमिओपॅथीक मेडिकल कॉलेज यांच्या माध्यमातून हे औषध तयार करण्यात आले आहे. याचे वाटप शिवराज्यभिषेक दिनाच्या औचित्याने, आज माजी मंत्री जयदत्त क्षीरसागर आणि डॉ.भारतभूषण क्षीरसागर यांच्या हस्ते करण्यात आलं.