कोरोना अपडेट : देशात २४ तासात ४० हजार ९५३ नवे रुग्ण

देशभरात कोरोनाचे संकट मोठ्या प्रमाणात पुन्हा एकदा वाढू लागले आहे. गेल्या २४ तासात देशात कोरोनाचे ४० हजार ९५३ नवे रुग्ण आढळले आहेत. तर १८८ रुग्णांचा मृत्यू झाला आहे. यामुळे तापर्यंत कोरोनाची बाधा झालेल्या एकूण रुग्णांची संख्या १ कोटी १५ लाख झाली आहे. तर मृतांची संख्या १ लाख ५९ हजार एवढी झाली आहे.

महाराष्ट्रातील स्थिती

दरम्यान महाराष्ट्रात शुक्रवारी २५ हजार ६८१ नवे रुग्ण आढळले आहेत. तर ७० जणांचा मृत्यू झाला आहे. राज्यात सलग दुसऱ्या दिवशी २५ हजारांच्या वर रुग्ण आढळले आहेत. तर गेल्या २४ तासात १४ हजार ४०० रुग्ण बरे होऊन घरी परतले आहेत. राज्यातील ऍक्टीव्ह रुग्णांची संख्या सध्या १ लाख ७७ हजार ५६० आहे. तर मुंबई शुक्रवारी ३ हजार ६३ रुग्ण आढळले आहेत. तर १० जणांचा मृत्यू झाला आहे. दरम्यान मुंबईनंतर राज्यात सर्वाधिक रुग्ण हे पुणे आणि नागपूरमध्ये आढळले आहेत.