उषा जाधवला पुरस्काराने गौरविले

अभिनेत्री उषा जाधवला 'नवशक्ती-नवचेतना' पुरस्काराने सन्मानित करण्यात आले आहे. ह्या पुरस्कार सोहळ्याचे आयोजन हे स्त्री शक्तीविषयी कृतज्ञता व्यक्त करण्यासाठी 'सावली फाऊंडेशन'चे संस्थापक गणेश जाधव दरवर्षी नवरात्री दरम्यान करतात. यंदाचे त्यांचे हे तिसरे वर्ष होते.

नवरात्री निमित्त 'ती' च्या कर्तबगारीचा' सन्मान सोहळा आयोजित केला होता. हा पुरस्कार नऊ क्षेत्रातील जिद्दी आणि प्रेरणादायी ठरतील अशा निवडक नऊ जणींना देउन गौरविण्यात येते. सिनेसृष्टीतील अभिनेत्री उषा जाधव हिला चित्रपट-कला क्षेत्रातील पुरस्काराने गौरविण्यात आले. हा पुरस्कार सिंधुताई सपकाळ यांच्या हस्ते देण्यात आला.

उषा जाधवने नेहमीच आपल्या अभिनयाने रसिक प्रेक्षकांना आकर्षित करुन आपल्या अभिनयाची छाप निर्माण केली. तिच्या ट्राफिक सिग्नल ह्या सिनेमामधून तिने आपल्या सिनेसृष्टीत पदार्पण केले. इतकेच नव्हे तर सोल्ट ब्रिज नावाचा ऑस्ट्रेलियन चित्रपट देखील तिने केला आहे. उषा जाधव ही स्पॅनिश चित्रपटात काम करणारी पहिलीच मराठी अभिनेत्री. तिला तिच्या अभिनयाला दाद म्हणून धग चित्रपटातील उत्कृष्ट अभिनेत्री या नामांकनासाठी राष्ट्रीय पुरस्कार मिळाला आहे.