सुप्रिया सुळेंचे सरकारविरोधात अनोखे आंदोलन
आज राष्ट्रपिता महात्मा गांधीजींच्या दीडशेव्या जयंतीनिमित्त राष्ट्रवादी काँग्रेसच्या खासदार सुप्रिया सुळे यांच्या नेतृत्त्वाखाली पुण्यात अनोखे आंदोलन करण्यात आले आहे. सरकारच्या चुकीच्या धोरणांचा निषेध करीत त्यांनी हे आंदोलन पुकारले. यावेळी गांधीजींच्या पुतळ्याला अभिवादन करुन पुतळ्यासमोर चेहऱ्याला काळीपट्टी बांधून सरकारच्या विरोधात पेट्रोल-डिझेल आणि गॅस सिलेंडर दरवाढ, जीवनावश्य वस्तूंची दरवाढ, राफेल घोटाळा, विचारवंतांच्या हत्यांबाबतचा तपास, छत्रपती शिवरायांच्या स्मारकाची उंची, शेतकरी आत्महत्या, शिक्षक भरती आणि अन्य प्रश्नांबाबत निषेध व्यक्त करण्यात आला.
https://twitter.com/supriya_sule/status/1046980936821346305
त्याचप्रमाणे मुंबईत अजित पवारांनी देखील मुक आंदोलन पुकारले. त्यांनी मंत्रालयाजवळील गांधीजींच्या पुतळ्याच्या बाजूलाच काँग्रेसचे कार्यकर्ते पदाधिकारी यांच्यासह अजित पवारही उपस्थित आहेत. या आंदोलनात राष्ट्रवादी काँग्रेसचे प्रदेशाध्यक्ष जयंत पाटीलही सहभागी आहेत.
