तनुश्रीने माझ्यावर बलात्कार केला आहे - राखी सावंत

अभिनेत्री राखी सावंत नेहमीच कोणत्याना कोणत्या कारणाने वादात असतेच. सध्या तिच्यात आणि तनुश्री दत्तामध्ये देखील तू तू मै मै चालू होती. पण आता राखीने अत्यंत विचित्र असा आरोप तनुश्रीवर केला आहे.

राखीचे असे म्हणणे आहे की, “तनुश्रीने माझ्यावर बलात्कार केला आहे. तनुश्री दत्ता ही समलिंगी म्हणजे लेस्बियन आहे. . मुली काम मिळवण्यासाठी काहीही करायला तयार होतात. मी पंतप्रधान नरेंद्र मोदींना हात जोडून विनंती करतेय बेटी बचाओ मोहिमेप्रमाणेच आता आदमी बचाओ मोहीमही सुरू करा. अशीच परिस्थिती राहिली तर उद्या मोदींवरही आरोप होतील. “

आज घेतलेल्या पत्रकार परिषदेत तिने हे वक्तव्य केले आहे. या परिषदेवेळी राखी अत्यंत सुसंस्कृत वेषात साडी परिधान करुन अगदी डोक्यावर पदर घेऊन संवाद साधत होती. तिच्या या विचित्र आरोपाबाबत ‘तिने माझ्यावरील बलात्काराचे दोन साक्षीदार असल्याचं’ देखील सांगितले आहे. साक्षीदारांची नावे जाहिर करण्यास नकार देउन तिने त्यांना थेट कोर्टात हजर करेन असा दावा देखील केला आहे.