श्रद्धा दिसली हुबेहुब सायना नेहवाल

नुकताच अभिनेता संजय दत्तच्या जीवनावर 'संजू' चित्रपट आला आणि चित्रपट निर्मात्यांचा बायोपिकचा ट्रेंड सुरु झाला. सध्या अनेकांच्या आयुष्यावर बायोपिक येणार आहे. त्यातच बाळासाहेब ठाकरे, सायना नेहवाल, गुलशन कुमार यांचा समावेश आहे.

त्यातील बॅडमिंटनपटू सायना नेहवाल हिच्या आयुष्यावर आधारीत सिनेमा अमोल गुप्ते हा दिग्दर्शित करतोय. त्यातील सायनाची भुमिका अभिनेत्री श्रद्धा कपूर साकारणार आहे. श्रद्धाने आपला या चित्रपटातील फर्स्ट लूक इन्स्टाग्रामवर शेअर केला आहे. तिने शेअर केलेल्या या फोटोमध्ये ती हुबेहुब सायनासारखी दिसत आहे.

तिच्या चेहऱ्यावर सायनासारखीच खेळाडूचा भाव दिसून येतोय. तिच्या या लुकमुळे नक्कीच प्रेक्षकांना या सिनेमाची देखील उत्सुकता वाटू लागली आहे, असे म्हणणे चुकीचे ठरणार नाही.