टीव्हीवर मुलाखत सुरु असतानाच झाला रिता जतिंदर यांचा मृत्यू

जम्मू काश्मीरच्या सामाजिक कार्यकर्त्या आणि लेखिका रिता जतिंदर यांची टीव्हीवर मुलाखत सुरु होती. या मुलाखतीतच त्यांना हृदयविकाराचा तीव्र झटका आला आणि काही सेकंदात त्यांचे निधन झाले. मिळालेल्या माहितीनुसार रिता जतिंदर या गुड मॉर्निंग जम्मू काश्मीर या लाइव्ह कार्यक्रमात सहभागी झाल्या होत्या. या कार्यक्रमात त्यांना टीव्ही अँकरने प्रश्न विचारले त्यावर त्या बोलत होत्या. मात्र बोलता बोलता त्या अचानक शांत झाल्या आणि बेशुद्ध होऊन कोसळल्या.