अरे बापरे! प्रियंका गांधी बेपत्ता?

काँग्रेसच्या नेत्या प्रियंका गांधी या सध्या चांगल्याच चर्चेत आल्या आहेत. त्याचे कारण म्हणजे रायबरेलीमध्ये लागले त्यांच्या नावाचे पोस्टर. रायबरेली मतदारसंघात प्रियंका गांधींनी अनेक दिवसांपासून गैरहजेरी लावल्याने त्यांच्यावर टिकात्मक असे पोस्टर लावण्यात आले आहेत. रायबरेलीतील मतदारसंघ हा प्रियंका गांधी व युपीएच्या अध्यक्षा सोनिया गांधी यांचा मतदारसंघ आहे. काँग्रेससाठी हा मतदारसंघ महत्त्वाचा आहे. सध्या रायबरेली मतदारसंघाजवळ प्रियंका गांधी बेपत्ता असल्याचे पोस्टर लागले आहेत. या पोस्टर्समध्ये असे लिहिले आहे की, 'प्रियंका यांच्या शेवटच्या भेटीनंतर या मतदारसंघात अनेक दुःखद प्रसंग घडले आहेत. मात्र त्या येथे येण्यास तयार नाहीत,' अशा प्रकारचे पोस्टर्स त्या ठिकाणी लावण्यात आले आहेत. ज्यामुळे काँग्रेसमध्ये चांगलीच खळबळ उडाली आहे. या प्रकरणानंतर सोनिया गांधी १ व २ नोव्हेंबर रोजी रायबरेली दौऱ्यावर जाणार असल्याची माहीती मिळत आहे.